ബെർത്തോൾട്ട് ബ്രെഹ്റ്റ് - ദിർഘകാലം നീണ്ടുനില്ക്കുന്നത്

ദീർഘകാലം നീണ്ടുനില്ക്കുന്ന കാര്യങ്ങൾ ചെയ്യാനുള്ള ആഗ്രഹം
എപ്പോഴും സ്വാഗതാർഹമാകണമെന്നില്ല.

ജനിക്കാനിരിക്കുന്നവരെ അഭിസംബോധന ചെയ്യുന്നവൻ
അവരുടെ ജനനത്തിനായി യാതൊന്നും ചെയ്യുന്നില്ല.
അവൻ പൊരുതുന്നില്ല, വിജയത്തിനായി കൊതിക്കുകയും ചെയ്യുന്നു.
അവൻ ഒരു ശത്രുവിനേയും കാണുന്നില്ല
വിസ്മൃതിയെ അല്ലാതെ.

എല്ലാ കാറ്റും എന്തിനെന്നും വീശണം?
ഒരു നല്ല പ്രയോഗം ശ്രദ്ധേയമാകുന്നത്
അതു നല്ലതായിരുന്ന സന്ദർഭം ആവർത്തിക്കും കാലത്തോളം മാത്രമാണ്‌.
പൂർണ്ണത തികഞ്ഞ മട്ടിൽ വന്നുചേരുന്ന ചില അനുഭവങ്ങൾ
മനുഷ്യരാശിയെ സമ്പുഷ്ടമാക്കും,
പുഷ്ടിയും പക്ഷേ, അമിതമാകാം.
അനുഭവങ്ങൾ മാത്രമല്ല,
അവയെ ഓർമ്മിച്ചെടുക്കുന്നതും നിങ്ങളെ വൃദ്ധനാക്കും.

അതിനാൽ, ദീർഘകാലം നീണ്ടുനില്ക്കുന്ന കാര്യങ്ങൾ ചെയ്യാനുള്ള ആഗ്രഹം
എപ്പോഴും സ്വാഗതാർഹമാകണമെന്നില്ല.