***
എന്റെ കരളുരുകുകയാണെന്നു പറയാൻ
എന്റെ ചുണ്ടുകൾക്കൊരുനാളുമായില്ല,
എന്റെ മൗനത്തിന്റെ പൊരുളറിയാൻ
അവൾക്കൊട്ടു കഴിഞ്ഞതുമില്ല.
ഒരു ദിവസം
സൂര്യൻ!
ഒരു വികൃതിക്കുട്ടിയെപ്പോലെ
പകലു മുഴുവനവൻ കാടു കാട്ടിനടക്കും,
കുരുവികളെ ചിതറിച്ചോടിക്കും,
കിരണങ്ങൾ കൊണ്ടു കിരീടമണിയും,
അരിവാളും പേനയും ചുറ്റികയും ബ്രഷും
കണ്ടേടത്തെടുത്തെറിയും.
സന്ധ്യ!
അവശയായൊരമ്മയെപ്പോലെ
ഒരു വിളക്കു കൊളുത്തിവയ്ക്കുന്നു,
ചിതറിക്കിടക്കുന്നവ പെറുക്കിക്കൂട്ടുന്നു.
Muqtida Hasan Nida Fazli നിദ ഫാസ്ലി (1938-2016)- ഹിന്ദി, ഉറുദു കവിയും ഗാനരചയിതാവും സിനിമാസംഭാഷണരചയിതാവും.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ