സോളൊമൻ ഡി ലാ സെൽവ - വെടിയുണ്ട

 

എന്നെക്കൊല്ലുന്ന വെടിയുണ്ട
ആത്മാവുള്ളൊരു വെടിയുണ്ടയായിരിക്കും.
അതിന്റെയാത്മാവൊരു റോസാപ്പൂവിന്റെ ഗാനം പോലായിരിക്കും,
പൂക്കൾ പാടുമെന്നാണെങ്കിൽ;
അല്ലെങ്കിലൊരു പുഷ്യരാഗത്തിന്റെ
പരിമളം പോലായിരിക്കും,
രത്നങ്ങൾ വാസനിക്കുമെന്നാണെങ്കിൽ;
അല്ലെങ്കിൽ സംഗീതത്തിന്റെ ചർമ്മം പോലായിരിക്കും,
ഗാനങ്ങളുടെ നഗ്നതയെ തൊടാൻ നമ്മുടെ കൈകൾക്കാകുമെന്നാണെങ്കിൽ.
എന്റെ തലയിലാണതു വന്നുതറയ്ക്കുന്നതെങ്കിൽ
അതു പറയും: “നിന്റെ ചിന്തകൾക്കെന്താഴമുണ്ടെന്നു നോക്കുകയായിരുന്നു ഞാൻ.”
എന്റെ ഹൃദയത്തെയാണതു പിളർന്നുകയറുന്നതെങ്കിൽ
അതു പറയും: “എനിക്കെന്തു സ്നേഹമാണു നിന്നെയെന്നു പറയാൻ നോക്കുകയായിരുന്നു ഞാൻ.”

(Salomon de la Selva (1893-1959)- നിക്കരാഗ്വൻ കവിയും നോവലിസ്റ്റും തൊഴിലാളിനേതാവും സൈനികനും നയതന്ത്രജ്ഞനും)