കൈ തലയിണയാക്കി അയാളുറങ്ങി.
ഒരു പാറ മേൽ.
സ്വന്തം കാലിൽ.
മറ്റൊരാളുടെ കാല്ക്കൽ.
ബസ്സുകളിൽ, ട്രെയിനുകളിൽ, വിമാനങ്ങളിൽ അയാളുറങ്ങി.
ജോലിക്കിടയിലുറങ്ങി.
വഴിയരികിലുറങ്ങി.
ഒരാപ്പിൾച്ചാക്കിനു മുകളിലുറങ്ങി.
ഒരു പബ്ലിക് ടോയ്ലെറ്റിലയാളുറങ്ങി.
ഒരു വൈക്കോല്ക്കൂനയിൽ.
സൂപ്പർ ഡോമിൽ.
ഒരു ജഗ്വാറിൽ, ഒരു പിക്കപ്പിന്റെ പിന്നിൽ.
തിയേറ്ററുകളിലുറങ്ങി.
ജയിലിലുറങ്ങി.
സ്റ്റിയറിങ്ങ് വീലിനു പിന്നിൽ.
ബോട്ടുകളിൽ.
കാവല്പുരകളിലയാളുറങ്ങി, ഒരിക്കലൊരു കോട്ടയ്ക്കകത്തും.
മഴയത്തുറങ്ങി.
പൊള്ളുന്ന വെയിലത്തുറങ്ങി.
കുതിരപ്പുറത്തയാളുറങ്ങി.
കസേരകളിൽ, പള്ളികളിൽ, ആഡംബരഹോട്ടലുകളിലയാളുറങ്ങി.
ജീവിതകാലം മുഴുവൻ വിചിത്രമായ കൂരകൾക്കു ചുവട്ടിലയാളുറങ്ങി.
ഇപ്പോഴയാൾ മണ്ണിനടിയിലുറങ്ങുന്നു.
ഉറങ്ങിക്കൊണ്ടേയിരിക്കുന്നു.
വൃദ്ധനായ ഒരു രാജാവിനെപ്പോലെ.
*
*സൂപ്പർ ഡോം- ന്യൂ ഓർലിയൻസിലെ സ്റ്റേഡിയം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ