ഹെൻറിക്ക് നോർഡ്ബ്രാന്റ് - തെരുവുകൾ

വളരെപ്പണ്ടവസാനിച്ച പ്രണയങ്ങൾ:

ചിലനേരം നിങ്ങളവയെ കണ്ടുമുട്ടുന്നു, തെരുവുകളിൽ,

ചിലനേരം നിങ്ങളവയെ കണ്ടുമുട്ടുന്നു, സ്വപ്നങ്ങളിൽ.

തെരുവിൽ കണ്ടുമുട്ടുമ്പോൾ അവയോർമ്മിപ്പിക്കുന്നത് സ്വപ്നങ്ങളെ,

സ്വപ്നങ്ങളിൽ കണ്ടുമുട്ടുമ്പോൾ അവയോർമ്മിപ്പിക്കുന്നത് തെരുവുകളെ,

പാതി വീടുകളും ആളൊഴിഞ്ഞ തെരുവുകൾ,

ജനാലകൾക്കു പിന്നിലെ ഇരുട്ടിൽ തെളിയുന്നത്

ആരുടെ മുഖങ്ങളാണെന്നു നിങ്ങൾക്കോർമ്മയുമില്ല.