നോക്കൂ, അവ കൊഴിയുന്നതു നോക്കൂ,
തടുക്കരുതാത്ത ശരൽക്കാലത്തിലെ
കരിയിലകളാണവ.
അവയെച്ചൊല്ലി ഖേദിക്കേണ്ട,
ദീപ്തവസന്തമെത്തുമ്പോൾ
പുനർജ്ജനിച്ചുകൊള്ളുമവ.
നഷ്ടസ്വപ്നങ്ങൾക്കു ഹാ, കഷ്ടം!
ഹൃദയവൃക്ഷത്തിൽ നിന്നു
കൊഴിഞ്ഞുവീണവയാണവ.
പുനർജ്ജനിക്കുകയുമില്ലവ;
മനുഷ്യന്റെ ജീവിതഹേമന്തത്തിൽ
അടിഞ്ഞുവീണുകിടക്കുമവ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ