സൗഹൃദം
-----------------
നീ കാണുന്നില്ലേ,
ആകാശത്തു നിന്നൊഴുകുന്ന മഞ്ഞനദിയെ?
എത്ര വേഗമാണതു കടലിലേക്കൊഴുകുന്നതും
എന്നെന്നേക്കുമായൊഴിയുന്നതും!
നീ കാണുന്നില്ലേ,
നരച്ച മുടിയുടെ ദുഃഖം പ്രതിഫലിക്കുന്ന കണ്ണാടിയെ?
രാവിലെയതു മിനുസമായ കരിമ്പട്ടുപോലെ,
രാത്രിയിലതിൽ പൊടിമഞ്ഞു നിറയുന്നു.
നമുക്കിതു മോന്താം,
ആനന്ദിക്കാനുള്ള മനസ്സാണു നമുക്കെന്നിരിക്കെ!
ഈ ചഷകത്തെ നാമേകാകിയാക്കാതിരിക്കുക!
ഈ ചന്ദ്രനെ നാം പാഴാക്കിക്കളയാതിരിക്കുക!
*
Li Bai / Li Po (701-762) ചൈനീസ് സാഹിത്യത്തിലെ ഏറ്റവും പ്രശസ്തനായ കവിയാണ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ