ഒരു നീണ്ട പകലിന്നൊടുവിൽ തളർന്നിരിക്കുന്നു ഞാനെന്നതിനാൽ
ഈ താരാവൃതരാത്രിയെന്റെ ആഗ്രഹം സാധിപ്പിക്കുമാറാകട്ടെ,
ക്ഷീണിതനായൊരു കുട്ടിയുടെ പ്രത്യാശ നിറഞ്ഞ പ്രാർത്ഥനപോലെ.
അതിനാലെന്റെ കൈകളേ, ഉദ്യമങ്ങളിൽ നിന്നു നിവൃത്തരാവുക,
എന്റെ നെറ്റിത്തടമേ, ഉത്കണ്ഠകളും ഉഷ്ണിച്ച ചിന്തകളും കൈവിടുക,
ഇന്ദ്രിയങ്ങളൊന്നൊഴിയാതിനി മധുരനിദ്രയിൽ മുങ്ങിത്താഴുക.
ഇനിയെന്റെ ആത്മാവേ, അരക്ഷിതനായ യാത്രികാ,
നിർബ്ബാധഗമനത്തിൽ മൺനിരപ്പിൽ നിന്നുയർന്നുപറക്കൂ,
രാത്രിയുടെ മാന്ത്രികവലയങ്ങൾക്കുള്ളിലേക്കൂളിയിടൂ,
ഇതിലുമായിരം മടങ്ങു ഗഹനമായൊരു ജീവിതം ജീവിക്കൂ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ