അത്രയുമതർത്ഥരഹിതമായതെങ്ങനെ,
മറ്റെല്ലാവർക്കുമറിയാവുന്നതും
മനസ്സിലാകുന്നതുമായ ഒരു ഭാഷയിലാണ്‌
എല്ലാവരും സംസാരിക്കുന്നതെന്നിരിക്കെ?
രണ്ടു കല്ലുകളുടെ കൂട്ടിയിടിയിൽ നിന്നുപോലും
ശബ്ദസമാനമായ ഒരു ശബ്ദമുണ്ടാകുന്നു.
ഹാ, ഒന്നു പറയൂ,
നമ്മുടെ ആത്മാവുകൾ കണ്ടുമുട്ടുമ്പോൾ
അത്രയും പൊള്ളയായ ഒരു ശബ്ദം എന്തുകൊണ്ടുണ്ടാകുന്നു?
എന്തുകൊണ്ടു നാം സംസാരിക്കുന്നില്ല,
ഒന്നുകിൽ നമുക്കു ജീവൻ നല്കുന്നൊരു ഭാഷയിൽ,
അല്ലെങ്കിൽ മരണത്തിന്റെ പ്രതീക്ഷ നല്കുന്ന ഭാഷയിൽ?
ഹാ, എത്രയ്ക്കർത്ഥരഹിതമാണ്‌ മനുഷ്യസംസാരം!
നക്ഷത്രങ്ങളോടെനിക്കസൂയ തോന്നുന്നു,
മൗനത്തിൽ പോലും തീപ്പൊരി പാറിക്കുന്നല്ലോ അവയുടെ സംസാരം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ