ആർതർ ഗ്വിറ്റെർമാൻ - നാട്ടിലേക്കു മടങ്ങിയെത്തിയപ്പോൾ

 

ഇനിയും പിടിച്ചുതൂങ്ങാൻ 
ഒരൊഴിവുകഴിവും പറയാനില്ലാത്തൊരിടത്തു നിന്ന്
തിരിച്ചു സ്വന്തം നാട്ടിലെത്തിയപ്പോൾ
അവിടെയെല്ലാം പണ്ടേക്കണക്കു തന്നെയാണെന്നു 
ഞാൻ കണ്ടു-
ഓരോ മനുഷ്യനും 
മുന്നിൽക്കണ്ട ഏതോ മരീചികയുടെ പിന്നാലെ പായുന്നു;
ഒരു വസ്തുവും ചെയ്യാനില്ലാത്തവർ
അതുതന്നെ ചെയ്തുകൊണ്ടിരിക്കുന്നു;
കാര്യമായിട്ടൊന്നും കളിക്കാനില്ലാത്ത അരങ്ങ്
അതുതന്നെ കളിച്ചുകൊണ്ടിരിക്കുന്നു.
പണ്ടേപ്പോലൊന്നും പറയാനില്ലാത്ത എഴുത്തുകാർ
പറഞ്ഞതുതന്നെ പറഞ്ഞുകൊണ്ടിരിക്കുന്നു.
*