ഒരു മുള്ളു കിട്ടിയാൽ അതുമതിയവന്.
ഇരുമ്പു കൊണ്ടുള്ളൊരാപ്പിൾ,
ഒരു കോട്ടൺ ബനിയൻ മാത്രമിട്ട്
വീട്ടിനുള്ളിലുലാത്തുന്ന ഒരു പെൺകുട്ടിയുടെ മുലക്കണ്ണ്,
അല്ലെങ്കിലൊരു പന്നിയുടെ ചെവിയായാലും മതി.
രണ്ടൊഴിഞ്ഞ പിഞ്ഞാണങ്ങൾക്കിടയിലിഴയുന്ന പ്രാണി.
ജമന്തിപ്പൂവിലൂതുന്ന കുട്ടി.
ഊർദ്ധ്വൻ വലിക്കുന്നൊരു വൃദ്ധയുടെ
അഴഞ്ഞുതൂങ്ങുന്ന കൈകാലുകൾ.
ഒരു കൈ മാറത്തും
മറ്റേക്കൈ ചുണ്ടിലുമായി
കാമുകനെ കാത്തുനില്ക്കുന്ന യുവതിയുടെ കൈകാലുകൾ.
മുത്താഴത്തിനു കഴിക്കുന്നതവൻ
അത്താഴത്തിനു ഛർദ്ദിക്കുന്നു,
ഒരു റോസാച്ചെടിക്കു മേൽ,
അല്ലെങ്കിലൊരു ക്രിസ്തുമസ് ട്രീയ്ക്കു ചുവട്ടിൽ.
*
Aleksandar Ristovic സെർബിയൻ കവി (1933-1994)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ