ഹെൽമുട്ട് ഹെയ്സെൻബുട്ടെൽ - നഷ്ടബോധം

----------------------------------

പേപ്പെൻബർഗ് ഉദ്യാനത്തിനു മുകളിലെ മേഘങ്ങളുടെ പേരിൽ

ഞാനൊരിക്കലായിരുന്ന കൊച്ചുകുട്ടിയുടെ പേരിൽ

ചതുപ്പിലെ കല്ക്കരിപ്പാളികളുടെ പേരിൽ

എനിക്കു 17 തികഞ്ഞപ്പോൾ ഹൈവേകളുടെ ഗന്ധത്തിന്റെ പേരിൽ

ഞാനൊരു പട്ടാളക്കാരനായിരുന്നപ്പോഴത്തെ ഇരുമ്പുട്രങ്കുകളുടെ മണത്തിന്റെ പേരിൽ

നിർജ്ജനമായ നഗരത്തിലൂടെ അമ്മയോടൊപ്പമുള്ള യാത്രയുടെ പേരിൽ

ചെറുപട്ടണങ്ങളിൽ റയിൽവേ സ്റ്റേഷനുകളിലെ വസന്തകാലസായാഹ്നങ്ങളുടെ പേരിൽ

ഡ്രെസ്ഡെനിൽ ലൈലോ അഹ്ലെൻഡോർഫിനോടൊപ്പമുള്ള നടത്തകളുടെ പേരിൽ

നവംബറിൽ മഞ്ഞു പെയ്യുന്നൊരു പകലത്തെ ആകാശത്തിന്റെ പേരിൽ

ഡ്രെയറുടെ സിനിമയിൽ ജൊവാൻ ഓഫ് ആർക്കിന്റെ മുഖത്തിന്റെ പേരിൽ

പഴയ കലണ്ടറുകളിൽ വെട്ടിക്കളഞ്ഞ തീയതികളുടെ പേരിൽ

കടല്ക്കാക്കകളുടെ സീല്ക്കാരങ്ങളുടെ പേരിൽ

ഉറക്കം വരാത്ത രാത്രികളുടെ പേരിൽ

ഉറക്കം വരാത്ത രാത്രികളുടെ ഇരമ്പത്തിന്റെ പേരിൽ

ഉറക്കം വരാത്ത രാത്രികളുടെ ഇരമ്പത്തിന്റെ പേരിൽ

*

Helmut Heißenbüttel (1921-1966)- ജർമ്മൻ കവിയും നോവലിസ്റ്റും. 

രണ്ടാം ലോകമഹായുദ്ധത്തിൽ പങ്കെടുത്തിരുന്നു.