അന്യരുടെ ജീവിതങ്ങളിൽ തങ്ങൾക്കൊരു ധർമ്മം നിർവ്വഹിക്കാനുണ്ടാവുന്നതിൽ അമിതമായ തൃഷ്ണ കാണിക്കുന്നവരും അതിൽ അതിരു കടന്നാനന്ദം കണ്ടെത്തുന്നവരുമായി പലരെയും ഞാൻ കണ്ടിട്ടുണ്ട്. തങ്ങൾക്ക് ആ ധർമ്മം നിർവ്വഹിക്കാനുള്ള ഇടങ്ങൾ അവർ കൃത്യമായി മണം പിടിച്ചു കണ്ടെത്തുകയും അവിടങ്ങളിൽ ഇടിച്ചുകേറുകയും ചെയ്യും. ഇക്കൂട്ടത്തിൽ പെടുത്താം ചില സ്ത്രീകളെ: ഒരു പുരുഷനിൽ ഏതു ധർമ്മമാണ്‌ അവികസിതമായിരിക്കുന്നത് എന്നു കണ്ടെത്തി അവർ അതായി രൂപാന്തരപ്പെടും; എന്നിട്ടവർ അയാളുടെ പേഴ്സോ രാഷ്ട്രീയമോ സാമൂഹ്യബന്ധമോ ആകും. ഇത്തരം ജീവികൾ ഏറ്റവും നന്നായി സ്വയം പോറ്റുന്നത് മറ്റൊരു ജീവിയിൽ കടന്നുകൂടിക്കഴിയുമ്പോഴാണ്‌; അതിൽ വിജയം കണ്ടില്ലെങ്കിലാവട്ടെ, അവരാകെ വെറി പിടിക്കുന്നു, മുൻകോപികളാവുന്നു, തങ്ങളെത്തന്നെയവർ തിന്നുതീർക്കുകയും ചെയ്യുന്നു.
(from The Gay Science)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ