ഓഷിമ റിയോട്ട (1718-1787)- ബഷോയുടെ പ്രാധാന്യം തിരിച്ചറിഞ്ഞ പില്ക്കാലകവികളിൽ ഒരാൾ. രണ്ടായിരം ഹൈക്കു എഴുതിയെന്നു പറയപ്പെടുന്നു.
1
ആരും ഒന്നും മിണ്ടിയില്ല-
വീട്ടുകാരനും വിരുന്നുകാരനും
വെള്ളക്രിസാന്തമപ്പൂവും.
2
വിളക്കിൻ നാളം നോക്കിയിരിക്കെ
അതിൽ
കാറ്റിന്റെ പെരുമാറ്റം.
3
പിന്നാലെ ചെന്നപ്പോൾ
നിലാവിലൊളിക്കുന്നു
മിന്നാമിനുങ്ങ്.
4
തെളിഞ്ഞ ചന്ദ്രനു മുന്നിൽ
കുന്നിൻമുകളിലൊരു പൈൻമരം-
അതാണെന്റെ വരുംജന്മം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ