ആകാശം, ഭൂമി, പ്രഭാതം,
സമയം എട്ട് പതിനഞ്ച്.
സവാന്നയിലെ മഞ്ഞിച്ച പുല്ലുകളിൽ
ശാന്തതയും നിശ്ശബ്ദതയും.
അങ്ങകലെ ഒരു കരിവീട്ടിമരം,
നിത്യപ്പച്ചയായ ഇലകളും
പടരുന്ന വേരുകളുമായി.
സവാന്നയിലെ മഞ്ഞിച്ച പുല്ലുകളിൽ
ശാന്തതയും നിശ്ശബ്ദതയും.
അങ്ങകലെ ഒരു കരിവീട്ടിമരം,
നിത്യപ്പച്ചയായ ഇലകളും
പടരുന്ന വേരുകളുമായി.
ആ ധന്യമായ നിശ്ചേഷ്ടതയിൽ
പൊടുന്നനേയൊരു സംക്ഷോഭം.
ജീവനിൽ കൊതിയുള്ള രണ്ടു ജന്തുക്കൾ
പിടഞ്ഞുപിടിച്ചോടുകയാണ്‌.
ഒരു കറുത്ത മാൻ വെപ്രാളപ്പെട്ടു പായുന്നു,
അവൾക്കു പിന്നാലെ കിതച്ചുകൊണ്ടു കുതിക്കുന്നു,
വിശന്നുവെറിപിടിച്ച ഒരു പെൺസിംഹം.
ഈ നിമിഷം ഇരുവരുടെയും സാദ്ധ്യതകൾ
ഒപ്പത്തിനൊപ്പമാണ്‌.
മുൻതൂക്കം മാനിനാണെന്നു വേണമെങ്കിലും പറയാം.
നിലത്തുനിന്നു തെറിച്ചുനിന്ന
ആ വേരില്ലായിരുന്നെങ്കിൽ,
നാലു കുളമ്പുകളിലൊന്നതിൽ
തട്ടിത്തടഞ്ഞില്ലായിരുന്നെങ്കിൽ,
ഒറ്റക്കുതിപ്പിനു കടന്നുപിടിക്കാൻ
സിംഹത്തിനിടനല്കിയ
നിമിഷാർദ്ധനേരത്തെ
താളഭംഗമില്ലായിരുന്നെങ്കിൽ-
പൊടുന്നനേയൊരു സംക്ഷോഭം.
ജീവനിൽ കൊതിയുള്ള രണ്ടു ജന്തുക്കൾ
പിടഞ്ഞുപിടിച്ചോടുകയാണ്‌.
ഒരു കറുത്ത മാൻ വെപ്രാളപ്പെട്ടു പായുന്നു,
അവൾക്കു പിന്നാലെ കിതച്ചുകൊണ്ടു കുതിക്കുന്നു,
വിശന്നുവെറിപിടിച്ച ഒരു പെൺസിംഹം.
ഈ നിമിഷം ഇരുവരുടെയും സാദ്ധ്യതകൾ
ഒപ്പത്തിനൊപ്പമാണ്‌.
മുൻതൂക്കം മാനിനാണെന്നു വേണമെങ്കിലും പറയാം.
നിലത്തുനിന്നു തെറിച്ചുനിന്ന
ആ വേരില്ലായിരുന്നെങ്കിൽ,
നാലു കുളമ്പുകളിലൊന്നതിൽ
തട്ടിത്തടഞ്ഞില്ലായിരുന്നെങ്കിൽ,
ഒറ്റക്കുതിപ്പിനു കടന്നുപിടിക്കാൻ
സിംഹത്തിനിടനല്കിയ
നിമിഷാർദ്ധനേരത്തെ
താളഭംഗമില്ലായിരുന്നെങ്കിൽ-
ഉത്തരം മൗനം മാത്രം.
ആകാശം, സർക്കുലസ് കോയെലെസ്റ്റിസ്, നിരപരാധിയാണ്‌.
ടെറാ ന്യൂട്രിക്സ്, ആതിഥേയയായ ഭൂമി, നിരപരാധിയാണ്‌.
ടെമ്പസ് ഫ്യൂജിറ്റീവം, കാലം, നിരപരാധിയാണ്‌.
ആ കറുത്ത മാൻ, ഗസെല ഡോർക്കാസ്, നിരപരാധിയാണ്‌.
പെൺസിംഹം, ലിയോ മസെയ്ക്കസ്, നിരപരാധിയാണ്‌.
കരിവീട്ടിമരം, ഡിയോസ്പൈറോസ് മെസ്പിലിഫോർമിസ്, നിരപരാധിയാണ്‌.
ബൈനോക്കുലറിലൂടെ ഇതെല്ലാം കണ്ടുനിന്ന നിരീക്ഷകനാവട്ടെ,
ഇത്തരം സന്ദർഭങ്ങളിൽ
ഹോമോ സാപ്പിയെൻസ് ഇന്നസെൻസുമാണ്‌.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ