ബാല്ക്കണി ഞാൻ അടച്ചിട്ടു,
കരച്ചിലെനിക്കു കേൾക്കേണ്ട.
നരച്ച ചുമരുകൾക്കപ്പുറത്തു നിന്നു പക്ഷേ,
കരച്ചിലല്ലാതൊന്നും കേൾക്കാനുമില്ല.
മാലാഖമാരിൽ ചിലരേ പാടുന്നുള്ളു,
നായ്ക്കളിൽ ചിലതേ കുരയ്ക്കുന്നുള്ളു.
എന്റെ കൈത്തലത്തിലൊതുങ്ങുന്നു,
ഒരായിരം വയലിനുകൾ.
കൂറ്റനൊരു നായയാണ്‌ കരച്ചിൽ,
കൂറ്റനൊരു മാലാഖയാണ്‌ കരച്ചിൽ,
കൂറ്റനൊരു വയലിനാണ്‌ കരച്ചിൽ,
കണ്ണീരു കാറ്റിന്റെ വായ മൂടുന്നു,
കരച്ചിലല്ലാതൊന്നും കേൾക്കാനുമില്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ