അറുപത്തിമൂന്നു കൊല്ലത്തെ ജീവിതത്തിനിടയിൽ
ചില നിമിഷങ്ങൾ
ത്രസിപ്പിക്കുന്നവയായിരുന്നു
ചെളിക്കുഴികൾ ചാടിക്കടക്കുന്ന
എന്റെ കാലടികൾ
മാഹ്ച്ചു പീച്ചുവിലെ ആറു മണിക്കൂർ
അമ്മയുടെ മരണം കാത്തിരിക്കുമ്പോൾ
ഫോണിന്റെ മണിയൊച്ച
എന്റെ കന്യകാത്വം നഷ്ടമാവാനെടുത്ത
പത്തു മിനുട്ടുനേരം
ആർച്ച് ബിഷപ്പ് റൊമേറോയുടെ കൊലപാതകം
വിളിച്ചറിയിക്കുന്ന കാറിയ ശബ്ദം
ഡെൽഫ്റ്റിലെ പതിനഞ്ചു മിനുട്ട്
എന്റെ മകളുടെ ആദ്യത്തെ കരച്ചിൽ
എന്റെ ജനതയുടെ മോചനത്തിനായി ദാഹിച്ചിരുന്ന
എത്രയെന്നെനിക്കറിയാത്ത വർഷങ്ങൾ
അനശ്വരമായ ചില മരണങ്ങൾ
ആ വിശക്കുന്ന പൈതലിന്റെ കണ്ണുകൾ
എന്നെ പ്രണയത്തിൽ കുളിപ്പിക്കുന്ന നിന്റെ കണ്ണുകൾ
മറക്കരുതാത്ത ഒരപരാഹ്നം
ഒരു കവിതയുടെ വരിയിൽ
ഒരു നിലവിളിയിൽ
ഒരു നുരയുടെ പൊട്ടിൽ
എന്നെ വാർത്തെടുക്കാനുള്ള ദാഹം
Claribel Alegria (1924-2018) നിക്കരാഗ്വൻ-സാൽവഡോറിയൻ കവിയിത്രി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ