ആരോയെന്നെ കെട്ടിപ്പിടിക്കുന്നു
ആരോയെന്നെ ചെന്നായയുടെ കണ്ണുകൾ കൊണ്ടുഴിയുന്നു
ഞാനയാളെ നല്ലപോലെ കാണട്ടെയെന്നതിനായി
ആരോ തന്റെ തൊപ്പി ഊരിമാറ്റുന്നു
നമ്മൾ തമ്മിലുള്ള ബന്ധം നിനക്കറിയാമോ
എല്ലാവരും എന്നോടു ചോദിക്കുന്നു
ഞാനറിയാത്ത കിഴവന്മാരും കിഴവികളും
എന്റെ ഓർമ്മയിലെ
കുട്ടികളുടെ പേരുകൾ തട്ടിയെടുത്തിരിക്കുന്നു
ഞാൻ ഒരാളോടു ചോദിച്ചു
ദൈവത്തെയോർത്ത് ഒന്നുപറയൂ
ജോർജ്ജ് വുൾഫ് - ആളിപ്പോഴും ജീവനോടുണ്ടോ
അയാൾ ഞാൻ തന്നെ
ശവക്കുഴികൾക്കപ്പുറത്തുനിന്നുള്ള സ്വരത്തിൽ ഒരാൾ പറഞ്ഞു
ഞാൻ അയാളുടെ കവിളത്തു വിരലോടിച്ചു
കണ്ണുകൾ കൊണ്ടു ഞാൻ അയാളോടു കെഞ്ചി
എനിക്കും ജീവനുണ്ടെന്ന് ഒന്നുപറയൂ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ