“പറയൂ, പിടി തരാത്ത മനുഷ്യാ, നിങ്ങൾ ഏറ്റവുമധികം സ്നേഹിക്കുന്നതാരെയാണ്‌? നിങ്ങളുടെ അച്ഛനെ, അമ്മയെ, സഹോദരിയെ, അതോ നിങ്ങളുടെ സഹോദരനെ?”
“എനിക്കച്ഛനില്ല, അമ്മയില്ല, സഹോദരിയില്ല, സഹോദരനില്ല.”
“നിങ്ങളുടെ കൂട്ടുകാരെ?”
“ഈ ദിവസം വരെ എനിക്കർത്ഥം മനസ്സിലാകാത്ത ഒരു വാക്കാണ്‌ നിങ്ങൾ ഇപ്പോൾ ഉപയോഗിക്കുന്നത്.”
“നിങ്ങളുടെ രാജ്യത്തെ?”
“ഏതക്ഷാംശരേഖയിലാണ്‌ അതു കിടക്കുന്നതെന്ന് എനിക്കറിയില്ല.”
“സൗന്ദര്യത്തെ?”
“അനശ്വരയായ ആ ദേവതയെ സന്തോഷത്തോടെ ഞാൻ സ്നേഹിക്കുമായിരുന്നു.”
“സ്വർണ്ണത്തെ?”
“നിങ്ങൾ ദൈവത്തെ വെറുക്കുന്നപോലെ ഞാനതിനെ വെറുക്കുന്നു.”
“പിന്നെന്തിനെയാണു ഹേ, വിചിത്രനായ അപരിചിതാ, നിങ്ങൾ സ്നേഹിക്കുന്നത്?”
“ഞാൻ സ്നേഹിക്കുന്നത് മേഘങ്ങളെ...അങ്ങു മുകളിൽ...അങ്ങു മുകളിൽ...ഒഴുകിപ്പോകുന്ന മേഘങ്ങളെ...ആ അത്ഭുതമേഘങ്ങളെ!”
(ഗദ്യകവിതകൾ - 1)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ