വെയിലും തെന്നലും കടലും
മണലിലെരിയുന്ന നിന്റെയുടലും,
വെയിലും തെന്നലും കടലും
മൗനമായവകാശപ്പെടുന്ന നിന്റെയുടലും,
വെയിലും തെന്നലും കടലും
സകലതിനെയും കീഴടക്കുന്ന നിന്റെയുടലും,
വെയിലും തെന്നലും കടലും-
ഹാ, ദൈവമില്ലാത്ത, ദാസ്യമില്ലാത്ത ജീവിതം.
***
എൽസിഗ് സില്ബെർഷ്ലാഗ് SILBERSCHLAG, EISIG (1903-1988)- അമേരിക്കൻ ഹീബ്രു കവി. ഏകദൈവവിശ്വാസത്തിൽ നിന്ന് (പത്തു കല്പനകളിൽ നിന്ന്) പാഗൻ ബഹുദൈവവിശ്വാസത്തിന്റെ സ്വാതന്ത്ര്യത്തിലേക്കുള്ള മോചനസ്വപ്നമാണ്‌ ഈ കവിതയെന്ന് നിരൂപകർ. ‘എരിയുന്നതിൽ’ നിന്ന് ‘അവകാശപ്പെടുന്നതി’ലേക്കും ഒടുവിൽ ‘കീഴടക്കുന്നതി’ലേക്കും ഉടലിന്റെ ദാഹം വളരുന്നു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ