പരക്കെക്കാണുന്നൊരു ചെന്നിക്കുത്താണ് പ്രണയം,
കാഴ്ചയ്ക്കൊരു മങ്ങൽ പറ്റിയപോലെ,
ചിന്തയ്ക്കൊരു യുക്തിക്കുറവു പോലെ.
യഥാർത്ഥപ്രണയത്തിന്റെ ലക്ഷണങ്ങളത്രെ,
മെലിച്ചിൽ, അസൂയ,
ചുണ കെട്ട പ്രഭാതങ്ങൾ;
ശകുനങ്ങളും ദുഃസ്വപ്നങ്ങളും വേറെയുണ്ട്-
കതകിലാരോ മുട്ടുന്നതു കേൾക്കുക,
ഒരടയാളത്തിനായി കാത്തിരിക്കുക:
ഇരുളടഞ്ഞ മുറിയിൽ
അവളുടെ ഒരു വിരൽസ്പർശത്തിനായി,
ആരായുന്നൊരു നോട്ടത്തിനായി.
ധൈര്യമായിരിക്കൂ, കാമുകാ!
ഇത്രയും വേദന താൻ സഹിക്കുമോ,
മറ്റൊരുവളാണതിനു കാരണമായതെങ്കിൽ?
Symptoms Of Love - Poem by Robert Graves
Love is universal migraine,A bright stain on the vision
Blotting out reason.
Symptoms of true love
Are leanness, jealousy,
Laggard dawns;
Are omens and nightmares -
Listening for a knock,
Waiting for a sign:
For a touch of her fingers
In a darkened room,
For a searching look.
Take courage, lover!
Could you endure such pain
At any hand but hers?
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ