അസ്ട്രിഡ് ആൻഡേഴ്സെൻ - സൂര്യനസ്തമിക്കും മുമ്പേ...

സൂര്യനസ്തമിക്കും മുമ്പേ
നിന്റെ കൈകളിൽ
എന്റെ കൈ ഞാനർപ്പിക്കും
വെള്ളച്ചൂരൽ മെടഞ്ഞ കൂടയിൽ
ഒരു കാട്ടുപൂവെന്ന പോലെ

പിന്നെ ധീരയായി
ആർദ്രയായി ലജ്ജിതയായി
നിന്നെ ഞാൻ വലയം ചെയ്യും
രാവും പകലുമായ മരങ്ങളെ
രാവും പകലുമെന്നപോലെ

എന്റെ ചുംബനങ്ങൾ ജീവിയ്ക്കും
നിന്റെ ചുമലിൽ കിളികളെപ്പോലെ

---

അസ്ട്രിഡ് ആൻഡേഴ്സെൻ Astrid Hjertenæs Andersen (1915-1985)

നോർവീജിയൻ എഴുത്തുകാരി; കവിതയും യാത്രാവിവരണങ്ങളും എഴുതിയിരുന്നു.